UM ÁGÚST

ÁGÚST ÞÓR BRYNJARSSON ER SÖNGVARI, LAGAHÖFUNDUR OG TÓNLISTARMAÐUR FRÁ HÚSAVÍK SEM HEFUR Á SKÖMMUM TÍMA FEST SIG Í SESSI SEM EIN AF EFTIRTEKTARVERÐARI RÖDDUM UNGU KYNSLÓÐARINNAR Í ÍSLENSKU TÓNLISTARLÍFI.

TÓNLISTIN HEFUR FYLGT ÁGÚSTI FRÁ UNGA ALDRI, EN LEIÐIN AÐ SVIÐINU VAR EKKI BEIN LÍNA. HANN ÁTTI SÉR FARSÆLAN FERIL Í FÓTBOLTA, ER UPPALINN VÖLSUNGUR OG LÉK MEÐAL ANNARS MEÐ ÍR, ÞÓR OG MAGNA, ÁÐUR EN TÓNLISTIN TÓK YFIR SEM HANS STÆRSTA KÖLLUN. Í UPPHAFI ÁRS 2024 TÓK HANN STÓRA ÁKVÖRÐUN: AÐ HÆTTA Í FÖSTU STARFI OG ELTA TÓNLISTINA AF FULLUM KRAFTI.

STUTTU SÍÐAR HÓFST NÝRR KAFLI ÞEGAR HANN STEIG INN Í STUÐLABANDIÐ OG FERÐAÐIST MEÐ HLJÓMSVEITINNI UM LANDIÐ, NÁNAST HVERJA EINUSTU HELGI, ÞAR SEM HANN SAFNAÐI DÝRMÆTRI REYNSLU Á STÓRUM SVIÐUM OG FYRIR FJÖLBREYTTUM ÁHORFENDAHÓPUM.

ÁRIÐ 2025 KYNNTIST ÞJÓÐIN ÁGÚSTI BETUR ÞEGAR HANN TÓK ÞÁTT Í SÖNGVAKEPPNI RÚV MEÐ LAGINU "EINS OG ÞÚ" / "LIKE YOU". LAGIÐ SAMDI HANN ÁSAMT HÁKONI GUÐNA HJARTARSYNI OG HALLDÓRI GUNNARI PÁLSSYNI OG ÞÁTTTAKAN MARKAÐI STÓRT SKREF Í SÓLÓFERLI HANS.

ÁRIÐ 2026 KOM SVOHIN FYRSTA BREIÐSKÍFA, HJARTAÐ Á MILLJÓN, ÚT Á SUMARDAGINN FYRSTA, 23. APRÍL. PLATAN GEYMIR ELLEFU LÖG OG SÝNIR ÁGÚST SEM PERSÓNULEGAN, OPINN OG MELÓDÍSKAN LAGAHÖFUND — LISTAMANN SEM SÆKIR EFNIVIÐ Í FJÖLSKYLDU, ÁST, HEIMAHAGA, DRAUMA OG ÞÁ TILFINNINGU AÐ VERA Á FULLRI FERÐ EN VILJA SAMT HALDA Í ÞAÐ SEM SKIPTIR MESTU MÁLI.

SUMARIÐ 2026 TEKUR ÁGÚST VIÐ EINU STÆRSTA OG SÖGULEGASTA HLUTVERKI ÍSLENSKRAR TÓNLISTARHEFÐAR ÞEGAR HANN STÝRIR BREKKUSÖNGNUM Á ÞJÓÐHÁTÍÐ Í VESTMANNAEYJUM.

ÁGÚST ER HÚSVÍKINGUR Í HJARTANU. HEIMABÆRINN, FJÖLSKYLDAN OG NORÐLENSKA RÓTIN ERU EKKI BARA BAKGRUNNUR Í SÖGUNNI HANS, HELDUR HLUTI AF TÓNLISTINNI SJÁLFRI.